غريبة ديال الكركاع + غريبة الكوكو + بريوات باللوز
مقادير: غريبة ديال الكركاع
- كيلو كركاع مطحون
- نصف كيلو سكر كلاصي
- قشرة 2 حامضات (محكوكين)
- 4 بيضات (كاملة)
- رأس ملعقة صغيرة ديال خميرة الحلوى
- **للتزيين
- سكر كلاصي
- أنصاص ديال الكركاعات صحاح
الطريقة:
نخلط جميع المقادير ..نصنع من العجينة كويرات على شكل مشمشة نفنذ الوجه ديالها في السكر كلاصي اللي فالتزيين ثم نزينها كذلك بنصف كركاعة وأخيرا ندخلها في فرن معتدل الحرارة
**مقادير حلوة باللوز والشكلاط
علبة من الحليب المركز المحلى نستلي
400 جرام من اللوز مسلوق مقشر مقلي ومطحون
100 جرام زنجلان محمر
100 جرام شكلاط أسود
**للتزيين
حبات اللوز
أو وريدات الشكلاط
أو شكلاط أبيض
الطريقة:
يحضر الكراميل بوضع علبة الحليب المركز المحلى في طنجرة الضغط ونحسب نصف ساعة من بعد نا تصفر الصفارة تفتح وتترك حتى تبرد.
يخلط الحليب المركز مع اللوز يفرش الخليط فوق البلاستيك الغذائي ولفه على شكل كميرة أو حرابيل ثم نضعها في الثلاجة لمدة 30 دقيقة..
من بعد ملي نخرجها من الثلاجة نغطسوا تلك الحرابيل في الزنجلان المحمر ونغطيه بورق الألومنيوم ندخله للثلاجة مرة أخرى لكن لمدة 10 دقائق فقط.
نقطع العجين بعد ما نكون خرجناه من الثلاجة الى قطع صغيرة دائرية ونزينها بالشكلاط الأسود ثم أنصاص اللوز أو وريدات الشكلاط أو شكلاط أبيض... التزيين اختيلري خواتاتي
بالصحة والراحة
**مقادير الفقاص باللوز وزبيب
6 بيضات
كأس كبير زيت
2 كيسان كبار سكر سنيدة
2 كيسان كبار لوز مهرمش
كأس كبير من زبيب مقطع(مبلل نماء الزهر)
2 خميرات ألزا
كيلو دقيق
للتزيين
- ملعقة صغيرة من القهوى سريعة الذوبان
- أبيض بيضة
الطريقة
نخلط جميع المواد ثم نظيف الدقيق تدريجيا ونستمر في الخلط حتى يجمع العجين يدلك جيدا ثم يقسم الى كويرات تحول الكويرات الى قضبان طويلة تصفف في صفيحة الفرن مدهونة بالزيت أو مفرشة بورق الزبدة
يدهن وجه القضبان بخليط أبيض البيض والقهوى السريعة الذوبان ثم بواسطة فرشيط نرسم خطوط على وجه القضبان
تدخل الى الفرن الساخن من قبل 180 درجة .. حتى تتحمر شوية من الفوق لمدة 15 دقيقة تقريبا بعد اخراج القضبان من الفرن نخلوهم ابردو ثم نقطعهم قطع مائلة ورقيقة ونوضعهم مرة أخرى في صفيحة الفرن وندخلهم الفران مرة ثانية ليتحمرو من الجهتين.
مقادير: غريبة الكوكو
- 6 بيضات
- زلافة سكر سنيدة
- قشور ديال 2 حامضات
- ملعقة كبيرة زبدة مذوبة
- ملعقة صغيرة خميرة ديال الحلوى
- 3 ديال زلايف كوكو مطحون
للتزيين
الطريقة
تخلط جميع المقادير اذا كانت خفيفة بزاف يظاف القليل من الكوك أو السميدة .. والعجينة لازم تجي خفيفة شوية
ثم تشكل من العجين كويرات بحجم المشمشة .. يفنذ وجهها في السكر كلاصي وتستف في صينية تدخل الى الفرن حتى الطيب
مقادير: بريوات باللوز
- كيلو لوز مقشر ومطحون مزياااااااااااان
- 250 جرام سكر كلاصي
- شوية قرفة
- شوية مسكة حرة
- شوية ماء الزهر
- شوية ديال الزبدة مذوبة
التزيين
الطريقة كنظن معروفة مثل جميع البريوات
تدخل الى الفرن ثم نغمسها في العسل مباشرة بعد اخراجها من الفرن
**فيما يخص مقادير كعب غزال
هاهي المقادير
*العجين
كيلو ديال الدقيق
125 جرام ديال الزبدة مذوبة
شوية ملح
شوية ديال المسكة الحرة
2 معالق كبار عسل
نجمعوها بماء الزهر
العقدة
كيلو ديال اللوز مسلوق مقشر و مطحون 2 مرات مع 600 جرام سكر سنيدة
100 جرام تقريبا زبدة مذوبة حسب نوعية اللوز اذا كان ناشف نزيد شوية ولا لا بلاش المهم عينك ميزانك شوية ديال القرفة .
موضوع: مطبــخ تــودرتـــ لـــكِ يقدم لكم اليوم : غريبة ديال الكركاع + غريبة الكوكو + بريوات باللوز 
الأحد يونيو 08, 2014 6:47 pm
